Presidenti amerikan Donald Trump do të zhvillojë një vizitë shtetërore në Britani në javën e parë të qershorit, bën të ditur Sky News.

Shtëpia e Bardhë pritet të njoftojë detajet e udhëtimit sot gjatë ditës, transmeton portali arbresh.info.

Trump do të shkojë në Pallatin Buckingham për të takuar Mbretëreshën dhe gjithashtu do të udhëtojë në Francë si pjesë e përkujtimeve për 75 vjetorin e zbarkimit të Ditës-D.

Vizita do të jetë gati një vit që nga vizita e tij e fundit zyrtare në Britani të Madhe, kur ai dhe Zonja e Parë Melania takuan Mbretëreshën në Windsor Castle, duke shpenzuar rreth 45 minuta së bashku, në vend të 30 minutave të planifikuara.

Trump më vonë e përshkroi Mbretëreshën, e cila ishte 92 vjeçe, si një “grua e jashtëzakonshme”, e cila kurrë nuk kishte bërë asnjë gabim./Arbresh.info/